فهرمانی دهستگیركردن بۆ 23 ئهندامی ئهنجوومهنی پارێزگای دیوانیه دهرچوو
تۆمهتبارن به گهندهڵی
K24 – ههولێر:
سهرچاوهیهكی بهرپرس له پارێزگای دیوانییهی باشووری بهغدا، رایگهیاند، فهرمانی دهستگیركردن بۆ 23 ئهندامی ئهنجوومهنی پارێزگاكه دهرچووه.
ئهو سهرچاوهیه، گوتیشی: هۆكاری دهركردنی ئهو فهرمانه تێوهگلانی ئهو ئهندامانهیه به دۆسییهكانی گهندهڵی له سنووری پارێزگاكهدا.
فهرمانهكه له لایهن دهستهی دهستپاكی پارێزگای دیوانییهوه دهركراوه و ئهو ئهندامانه تۆمهتبارن به گهندهڵی و بهههدهردانی سامانی گشتیی.
ههروهها فهرمانی دهستگیركردن بۆ قائیمقامی قهزای دیوانییه دهرچووه و ئهویش تۆمهتباره به گهندهڵی.