رووسیا سیستمی به‌رگری مووشه‌كی له قامشلۆ داده‌مه‌زرێنێت
هێلیكۆپته‌ری ره‌وانه كردووه
K24 – هه‌ولێر:
وه‌زاره‌تی به‌رگری رووسیا، رایگه‌یاند، "ژماره‌یه‌ك هێلیكۆپته‌ریان له بنكه‌ی سه‌ربازی حمه‌یمیه‌وه گواستووه‌ته‌وه بۆ فڕۆكه‌خانه‌ی قامشلۆ".
كه‌ناڵی "زڤيزدا"ـی رووسی بڵاویكرده‌وه، بۆ ده‌سته‌به‌ركردنی ئاسایشی "ده‌ورییه" سه‌ربازییه‌كانی رووسیا له ناوچه‌كه ژماره‌یه‌ك هێلیكۆپته‌ر ره‌وانه‌ی فڕۆكه‌خانه‌ی "قامشلۆ" كراوون.
كه‌ناڵه‌كه ئاشكراشیكردووه، رووسیا سیستمی به‌رگری مووشه‌كی و ئاسمانی ناسراو به "پانتسیر" بۆ پاراستنی هێلیكۆپته‌ره‌كان له فڕۆكه‌خانه‌ی شاره‌كه جێگیر ده‌كات.