كۆشكی سپی پشتگیری خۆی بۆ گەلی ئێران دووپاتكردەوە
"پەرەپێدانی بەرنامەی ئەتۆمیی و پێشخستنی مووشەكەكانی و پاڵپشتیكردنی تیرۆرە"
K24 - ھەولێر
كۆشكی سپی پشتگیری خۆی بۆ گەلی ئێران دووپاتكردەوە و رایگەیاند، تائێستاش تاران لە پشتیوانیكردنی تیرۆر بەردەوامە.
لە پەیامێكدا كۆشكی سپی بڵاوی كردووەتەوە، كە ئەمەریكا پشتیوانی لە خۆپیشاندانە ئاشتیخوازەكانی ئێران دەكات دژی سیستمی دەسەڵاتی ئەو وڵاتە و ئاماژەی بەوەشكرد، تائێستاش تاران بەردەوامە لە پاڵپشتیكردنی تیرۆر و پەرەپێدانی بەرنامە ئەتۆمییەكەی.
ھەروەھا كۆشكی سپی بەكارھێنانی ھێزی دژ بە خۆپیشاندەران و بەربەستەكانی بەردەم ھێڵی ئینتەرنێت و تۆڕە كۆمەڵایەتییەكانی سەركۆنە كردووە.
لە بەشێكی دیكەی پەیامەكەشدا ئاماژە بەوە دەكات "ئێران بەو پەڕی توانایەوە سوورە لەسەر پەرەپێدانی بەرنامە ئەتۆمییەكەی و پێشخستنی مووشەكەكانی و پاڵپشتیكردنی تیرۆر، دەسەڵاتداران پشتیان لە خەڵك كردووە و دەیانەوێت دەستكەوتی تاكەكەسی بەدەستبھێنن".
پێشتریش وەزارەتی دەرەوەی ئەمەریكا پاڵپشتی لە خۆپیشاندانەكان كردبوو.
ھ.م