کۆبوونەوەی پەرلەمانی عێراق دواخرا

K24 – هه‌ولێر:

پەیامنێری کوردستان24ی رایگەیاند، کۆبوونەوەی ئەمڕۆی پەرلەمانی عێراق بۆ کاتێکی نادیار دواخرا.

بڕیاربوو ئەمڕۆ پەرلەمانی عێراق گفتوگۆ لەبارەی یاساکانی هەڵبژاردن و کۆمیسیۆنی هەڵبژاردنەکان بکات و میکانیزمێکیش بۆ هێورکردنەوەی خۆپیشاندانەکان دابنێت.

لە راگەیەندراوێکدا بەڕێوەبەری گشتی فەرمانگەی پەرلەمانی عێراق هاتووە، لەبەر بایەخی هەردوو پرۆژە یاسای هەڵبژاردنی ئەنجوومەنی نوێنەران و کۆمیسیۆنی باڵای هەڵبژاردنەکان و رەخساندنی دەرفەت بۆ گفتوگۆی زیاتر لە بارەیانەوە، بڕیاری دواخستنی کۆبوونەوەکە دراوە.

H.J