رێگای بەندەرەکانی ئوم قەسر و خۆر زوبێر لە بەسرە داخران

K24 – هه‌ولێر:

خۆپیشاندەران رێگا سەرەکییەکانی هەردوو بەندەری ئوم قەسر و خۆر زوبێرییان لە باشووری بەسرە داخست.

بەگوێرەی سەرچاوەیەک لە پارێزگای بەسرە، خۆپیشاندەران رێگا سەرەکییەکانی هەردوو بەندەری ئوم قەسر و خۆر زوبێرییان لە باشووری پارێزگاکە داخستووە و چەندین ئۆتۆمبێلی بارهەڵگر لەسەر رێگاکان گیرییان خواردووە.

خۆپیشاندەران داوای دامەزراندنی گەنجان و نوێکردنەوەی رێگاکانی دوو بەندەرەکە دەکەن، کە بەهۆی بارهەڵگرەکانەوە تووشی چاڵ و تاسە هاتوون.

ئەمەش لە کاتێکدایە، هێشتا دەسەڵاتدارانی عێراق کەسێکیان بۆ پۆستی سەرۆک وەزیرانی عێراق دەستنیشان نەکردووە و ناکۆکییەکانیش لەسەر ئەو پرسە بەردەوامە.

H.J