سەڵاحەدین بەھائەدین: یەكگرتوو لە پشتیوانیكردنی ریفراندۆم پەشیمان نییە
"ناكۆكی لایەنەكان دەرفەتی دایە دوژمن ریفراندۆم لەبار بەرن"
K24 - ھەولێر
سەڵاحەدین محەمەد بەھائەدین، ئەمینداری گشتی یەكگرتووی ئیسلامی كوردستان رایدەگەیەنێت، یەكگرتوو لە پشتیوانیكردنی ریفراندۆم پەشیمان نییە.
ئەمینداری گشتی یەكگرتوو، لە وتاری دەستپێكردنی ھەشتەمین كۆنگرەی حزبەكەی ئاماژەی بەوەشكرد، ناكۆكی ناوخۆیی دەرفەتی دایە ناحەزانی كورد، ریفراندۆم لەبار بەرێت.
سەڵاحەدین بەھائەدین راشیگەیاند، لە رابردوودا حزبەكەیان خۆی بەدوور گرتووە لە ناكۆكییە ناوخۆییەكان و بوونەتە بەشێكیش لە چارەسەر و نزیككردنەوەی لایەنەكان.