ترەمپ پەیوەندی بە عەبدولمەھدییەوە دەكات

K24 - ھەولێر

K24 - ھەولێر

سەرۆکی ئەمەریکا پەیوەندی بە سەرۆک وەزیرانی دەست لەکارکێشاوەی عێراق دەكات و باسی هێرشکردنە سەر باڵیۆزخانەی ئەمەریکا لە بەغدا دەكەن.

كۆشكی سپی ئاشكرای كرد، دۆناڵد ترەمپ، سەرۆكی ئەمەریكا، پەیوەندییەكی تەلەفۆنی لەگەڵ عادل عەبدولمەهدی سەرۆك وەزیرانی دەست لەكاركێشاوە عێراق ئەنجامدا و داوای لێكرد ئەمەریكییەكانی ناو عێراق بپارێزێت.

ترەمپ و عەبدولمەھدی گفتوگۆیان لەبارەی دۆخی ئەمنی ناوچەكەش كردووە.

پەیوەندییە تەلەفۆنیەكەی نێوان ترەمپ و عەبدولمەهدی دوای ئەوەدێت دوێنێ سێشەممە 31/12/2019 لایەنگرانی حزبوڵڵا و حەشدی شەعبی، ھەڵیانكوتایە سەر باڵیۆزخانەی ئەمەریکا ھەوڵی سوتاندنیان دا دوو دەرگای چوونە ژوورەوەی باڵیۆزخانەکە دێت.

ئێوارەی رۆژی یەكشەممە 29/12/2019 فڕۆكە جەنگییەكانی ئەمەریكا، چەند بارەگایەكی كه‌تیبه‌كانی حزبوڵڵای عێراق و حەشدی شەعبیان بۆردومان كرد، كە بەو ھۆیەوە زیاتر لە 25 چەكداری ئەو گرووپانە كوژران و زیاتر لە 50شیان برینداربوون.

ھ.م