داعش لە سامەڕا سەرۆك ھۆزێكی كوشت
دەستڕێژی گولـلەی لێكراوە
K24 - ھەولێر
سەرۆک هۆزێک لە سامەڕا لەلایەن داعشەوە کوژرا.
بەگوێرەی میدیای حەشدی شەعبی، ژمارەیەک چەکداری داعش، دەستڕێژی گولـلەیان لە عەبدولجەبار خەوام ئەسودی، یەکێک لە سەرۆک هۆزەکانی سامەڕا کردووە و کوشتویانە، دواتر بەرەو شوێنێکی نادیار هەڵاتوون. هاوکات لە ناسریە پیاوێکی ئایینی لە هەوڵێکی تیرۆرکردن رزگاری بوو.
ئەمە لەكاتێكدایە هەفتەی رابردووش سەرۆک هۆزێک لە پارێزگای سەڵاحەدین کوژرا و یەکێکی دیکەش رفێنرا.
ھ.م