لەبارەی دیاركردنی جێگرەوەی ئەبومەهدی موھەندیس روونكردنەوە دەدرێت
سەركردەیەكی حەشد رەتیدەكاتەوە
K24 - ھەولێر
سەركردەیەكی حەشدی شەعبی دەنگۆی دیاركردنی جێگرەوەی ئەبومەهدی موهەندیس رەتدەكاتەوە.
عەلی حوسێنی، سەركردە لە حەشدی شەعبی، دەنگۆی دیاركردنی هادی عامری، ئەمینداری گشتی رێکخراوی بەدر و سەرۆكی هاوپەیمانی فەتح، لە جێگەی ئەبومەهدی موهەندیس وەك جێگری سەرۆكی دەستەی حەشدی شەعبی رەتكردەوە و رایگەیاند "دوورە لە راستییەوە".
ئەمەش لە کاتێکدایە، دوێنێ، عەبدولکەریم خەلەف گوتەبێژی سەربازی سەرۆک وەزیرانی عێراق رایگەیاند، دەستەی حەشدی شەعبی عامری، لە شوێنی ئەبومەهدی، وەک جێگری سەرۆکی دەستە دیاریکردووە.
ھ.م