ناتۆ: لە عێراق دەمێنینەوە

K24 – هه‌ولێر:

سكرتێری گشتی ناتۆ دووپاتیده‌كاته‌وه‌، شه‌ڕی تیرۆر و داعش لە عێراق كۆتایی نەھاتووە و لەسەر داوای حكوومەتی عێراق لە ھاوكاریكردنیان بەردەوام دەبین.

ینس ستۆڵتنبێرگ، سكرتێری گشتی ناتۆ له‌ كۆنفراسێكی رۆژنامه‌وانیدا رایگەیاند، له‌ سه‌ر داوای حكوومه‌تی عێراق مه‌شق و راهێنان به‌ هێزه‌ ناوخۆییه‌كان ده‌كه‌ین.

 گووتیشی هه‌ڕه‌شه‌ی تیرۆر هه‌ر ماوه‌ و پێویستی به‌ هه‌ماهه‌نگی نێوده‌وڵه‌تی هه‌یه‌.

ئەم لێدوانەی سکرتێری گشتی ناتۆ لە کاتێکدایە، بەهۆی هێرشەکانی ئەمەریکا و ئێران بۆ سەر یەکتر لە عێراق، مەترسی لەسەر مانەوەی هێزی هاوپەیمانان دروست بووبوو.

H.J