كڵاوشینەكانی سەدر 8 خۆپیشاندەریان كوشت

K24 - ھەولێر

کڵاوشینەکانی سەر بە موقتەدا سەدر، هەشت خۆپیشاندەریان لە شاری نەجەف کوشت.

بەگوێرەی زانیارییەكانی ئاژانسی رۆیتەرز، كڵاوشینه‌كانی سه‌ر به‌ موقتەدا سەد، رێبەری ره‌وتی سه‌در، هەڵیانکوتایە سەر خۆپیشانده‌رانی شاری نه‌جه‌ف و لە ئەنجامدا هەشت خۆپیشاندەر کوژران و زیاتر لە 80 کەسی دیکەش برینداربوون.

هاوکات یاسین یاسری، وەزیری ناوخۆ گەیشتە نەجەف و ئەمڕۆش لەو شارە کراوەتەوە پشوو.

لەلایەکی دیکەوە، سەرجەم هۆزەکانی پارێزگای زیقار، هۆشداریاندایە موقتەدا سەدر و راگەیەندراوێکی هاوبەشییان بڵاوکردەوە و تیایدا هاتووە "داوا لە موقتەدا سەدر دەکەین، نەبێتە بەشێک لە رشتنی خوێنی رۆڵەکانمان، لە پێناو بەرژەوەندی کەسی و سیاسی خۆی".

ھ.م