ئهمهریكا مۆڵهتی عێراق بۆ كڕینی گاز و كارهبا له ئێران درێژ دهكاتهوه
عێراق دهتوانێت بۆ ماوهیهكی دیكهش له كڕینی گاز و كارهبای ئێران بهردهوام بێت
K24- ههولێر:
چەند بەرپرسێکی ئەمریکی بە رۆژنامەی وۆڵ ستریت جۆرناڵیان رایگەیاندووە، واشنتن ماوەی کڕینی گاز و کارەبا بۆ عێراق لە ئێران جارێکی دیکە درێژدەکاتەوە.
هاوکات باڵیۆزخانەی ئەمریکا لە بەغدا ساڵی رابردوو چەند راستییەکی لەبارەی پەیوەندییەکانی عێراق و ئێران و بابەتی سزاکان ئاشکرا کردبوو، کە بەهۆیانەوە سەپاندنی سزایان بەسەر عێراق سنووردار کردووە.
کارمەندانی باڵیۆزخانەی ئەمریکا ئاشکرایان کردبوو، عێراق دۆست و هاوبەشێكی ئەمریکایە و واشنتنیش پابەندە بە سەقامگیری وڵاتەکە و گەشانەوەی، هاوکات روونیان کردەوە كە ئیدارەی ئەمهریکا بە شێوەیەکی کاتی عێراقی بەخشیووە لە مامەڵە کردن لەگەڵ ئێران و بۆی هەیە تا 45 رۆژ گاز لە وڵاتەکە بکڕێت.
H.B