نه‌ته‌وه‌ یه‌كگرتووه‌كان هۆشداری له‌ دۆخی سووریا و عێراق ده‌دات

K24- هه‌ولێر:

نەتەوەیەکگرتوەکان ھۆشداری دەدات و دەڵێت: ٢٧ ھەزار چەکداری داعش لە سوریا و عێراق ماون و ھەڕەشەی جددین.

ڤلادیمێر ڤۆرۆنۆکۆڤ، جێگری بەرپرسی ئۆفیسی دژە تیرۆری سەربە نەتەوەیەکگرتوەکان ئاشكرایكرد: ٢٧ ھەزار چەکدار و لایەنگری داعش لە سوریا و عێراق ماون و رەوشی ئەو دوو وڵاتەشیان قۆستووەتەوە و دۆخی ئەو وڵاتانەیان بەلاڕێدا بردووە.

دووپاتیشیكرده‌وه‌: لایەنگرانی داعش خۆیان خزاندووەتە ناو ناکۆکییەکانی عێراق و سوریا.

ڤۆرۆنۆکۆڤ روو لە ئەندامانی ئەنجومەنی ئاسایشی نێودەوڵەتی ده‌كات دەڵێت: ئەو چەکدارانە ژمارەیان زۆرە و لەنێوان سوریا و عێراق ھاتوچۆ دەکەن و لە داھاتوودا دەبنە ھەڕەشەی جددی.

H.B