ھێلكەی توركی بازاڕەكانی عێراق كۆنترۆڵ دەكات

K24 - ھەولێر

ھەناردەی توركیا لە ھێلكە بۆ ھەر یەك لە عێراق، سووریا، كوێت ژمارەی پێوانەیی تۆماركردووە و بازاڕەكانی ئەو وڵاتانەی كۆنترۆڵ كردووە.

بەگوێرەی نوێترین داتاكانی توركیا، ھەرچەندە پەیوەندییەكی فەرمی لەنێوان ئەنقەرە و دیمەشق نەبووە و ھەروەھا حكومەتی عێراق ھاوردەی ھێلكەی لە توركیاوە قەدەخەكردووە، بەڵام لە ماوەی ساڵی رابردوودا ھەناردەی توركیا لە ھێلكە بۆ ھەر یەك لە عێراق، سووریا و كوێت ژمارەی پێوانەیی تۆماركردووە، بەجۆرێك لەنێو ئەو وڵاتانەی زۆرترین ھێلكەیان لە توركیاوە ھاوردەكردووە لە ساڵی رابردوودا، عێراق لە پلەی یەكەمدا ھاتووە و بەھای ھەناردەی ھێلكە بۆ ئەو وڵاتە گەیشتووەتە 96 ملیۆن دۆلار.

سەبارەت بە سووریا لە پلەی دووەمدا دێت و بەرزبوونەوەی لە قەبارەی ھەناردەی ھێلكەی توركی تۆماركردووە و بۆ 41 ملیۆن دۆلار بەرزبووەتەوە، كوێتیش لە پلەی سێیەمی لیستەكەدا ھاتووە و بۆ 31 ملیۆن دۆلار بەرزبووەتەوە.

ھ.م