ھەرێمی كوردستان بۆ بەشداریكردن لە كابینەی عەللاوی بڕیار دەدات

K24 - ھەولێر

كەمێك پێش ئێستا كۆبوونەوەی ھەرسێ سەرۆكایەتی ھەرێمی كوردستان و لایەنە سیاسییەكان و شاندی دانووستانكاری هه‌رێمی كوردستان بۆ به‌غدا لە ھەولێر دەستیپێكرد.

بەگوێرەی زانیارییەكانی پەیامنێری كوردستان24 لە كۆبوونەوەكەدا بڕیاری یەكلاكەرەوە لەبارەی بەشداریكردنی كورد لە كابینەی نوێی حكومەتی عێراق دەدرێت.

پێشتر دڵشاد شەهاب، راوێژکاری باڵای سەرۆکی هەرێمی کوردستان تایبەت بە کوردستان24 رایگەیاندبوو، ئەمڕۆ سەرۆکی هەرێمی کوردستان سەرپەرشتی کۆبوونەوەی باڵای لایەنە سیاسییەکانی هه‌رێمی کوردستان و شاندی هەرێمی کوردستان بۆ بەغدا دەکات. لە کۆبوونەوەکەدا سەرۆکی حکوومەت و سەرۆکی پەرلەمانی کوردستان ئامادە دەبن، تێیدا دوایین پێشهاتەکان و ئەنجامی کۆبوونەوە و دانوستانەکانی شاندی بەغدا گفتوگۆیان لەسەر دەکرێت.