چەند بڕیارێک لە وەزارەتی کشتوکاڵەوە
وەزارەتی کشتوکاڵ چوار بڕیاریدا
K24 – ههولێر:
وەزارەتی کشتوکاڵ بەهۆی مەترسییەکانی بڵاوبوونەوەی ڤایرۆسی کۆرۆنا چەند بڕیارێکی دەرکرد.
بەگوێرەی راگەیەندراوێکی وەزارەتی کشتوکاڵ، لەپێناو پاراستنی هاوڵاتیانمان لەڤایرۆسی كۆرۆنای نوێ بڕیارماندا:
- جەختكردنەوە لە قەدەغەكردنی هاوردەكردنی ئاژەڵی زیندو و پەلەوەر و هەموو بەرهەمەكانیان بە شێوەی نایاسایی لە وڵاتانی دەوروبەر.
- جەختكردنەوە لە قەدەغەكردنی هاوردەكردنی جگەری مریشك و هەموو جۆرە قیمەیەك.
- قەدەغەكردنی هاوردەكردن و مامەڵە پێكردنی ئاژەڵ و باڵندە و ماسی جوانی لە شوێنە گشتیی و قەرەباڵغەكانی ناو بازاڕەكانی كوردستان.
- سەربڕینی ئاژەڵ لە دەرەوەی سەربڕخانە فەرمیەكان قەدەغەكراوە و پێویستە ئاژەڵی سەربڕدراو مۆری فەرمی سەربڕخانە فەرمیەكانی لەسەر بێت.