حکومەتی هەرێم داوایەک لە کەناڵەکانی راگەیاندن دەکات

K24 – هه‌ولێر:

لە کۆنفراسێکی رۆژنامەوانی، جووتیار عادل، گوتەبێژی حکومەتی هەرێمی کوردستان رایگەیاند، داوا لە کەناڵەکان دەکەین پابەند بن و خەڵک بۆ خۆپارێزیی هانبدەن و خەڵک نەترسێنن بە داتا و زانیاری نادروست.

راشیگەیاند، دەبێت میدیاکان بە ئاراستەی خزمەتی خەڵک و ئاسایشی تەندروستی و نەتەوەیی کاربکەن.

هەرووەها، حەمەی حەمە سەعید، وەزیری رۆشنبیری حكومەتی هەرێمی کوردستان رایگەیاند، لەگەڵ هەموو میدیاکان کۆبووینەوە و دەبێت هەموو پێکەوە بەرەنگاری ئەو ڤایرۆسە ببینەوە.

راشیگەیاند، داوا دەکەین خەڵک دەکەین پابەند بن بە رێنماییەکانی وەزارەتی تەندروستی چونکە تەنها پابەندبوون بە رێنماییەکان دەمانپارێزیت و دەبێت خەڵک نەیەنە دەرەوە.