به‌ وێنه‌.. دوو تووشبووی دیكه‌ی ڤایرۆسی كۆرۆنا له‌ كه‌ركووك چاكبوونه‌وه‌

K24- كه‌ركووك:

دلێر شوانی، گوتەبێژی شانەی بەرەنگاربونەوەی قەیرانەکان له‌ كه‌ركووك بۆ کوردستان٢٤ رایگه‌یاند، دوو تووشبووی دیکەی ڤایرۆسی كۆرۆنا له‌و پارێزگایه‌، دوای وەرگرتنی چارەسەر نەخۆشخانەیان بەجێھشت.

ئێستا لەکۆی 7 تووشبوو کە هەڵگری ڤایرۆسی کۆرونا بوون، تەنھا یەك حاڵه‌ت لە نەخۆشخانەی تایبەتە به‌ چاره‌سه‌ری كۆرۆنا له‌و شاره‌ ماوە، ئەویش باری تەندروستی جێگیرە.

پێشتریش چاكبوونه‌وه‌ی 5 تووشبووی دیكه‌ له‌ كه‌ركووك راگه‌یه‌ندرا و سه‌رجه‌میان دوای وه‌رگرتنی چاره‌سه‌ری، نه‌خۆشخانه‌یان جێهێشت و گه‌ڕانه‌وه‌ ماڵه‌كانیان.

H.B