بومەلەرزەیەكی بەهێز چەند ناوچەیەكی هەولێر و نەینەوای هەژاند

K24- هەولێر:

سەرلەبەیانی ئەمڕۆ بومەلەرزیەكی بەهێز چەند ناوچەیەكی نێوان هەردوو پارێزگای هەولێر و نەینەوای هەژاند.

بەگوێرەی ناوەندی جیهانی بۆ چاودێری بومەلەرزە، زەوی هەژەكە بە هێزی 4.9 پلە بەگوێرەی پێوەری رێختەر ناوچەكانی نێوان هەردوو ناحیەی كەڵەكی سەر بە پارێزگای هەولێر و گوێڕ لە سنووری پارێزگای نەینەوای هەژاند.

وەك راشگەیەندراوە، لە هەریەك لە سەنتەری شاری هەولێر، گوێڕ، كەڵەك و بەشێك لە سنووری پارێزگای كەركووكیش هەست بە هێزی بومەلەرزەكە كراوە.

تا ئێستاش هیچ زیانێكی ئەو بومەلەرزەیە لە هیچ ناوچەیەك رانەگەیەندراو.

H.B