بروسكەی سەرەخۆشیی سەرۆك بارزانی بەبۆنەی كۆچی دوایی مریه‌م خانمی قازی

K24 – هه‌ولێر:

سه‌رۆك مه‌سعود بارزانی برووسكه‌یه‌كی سه‌ره‌خۆشی ئاراسته‌ی بنه‌ماڵه‌ی پێشه‌وا قازی محه‌مه‌د و كه‌سوكاری خوالێخۆشبوو مریه‌م خانمی قازی كرد.

ده‌قی برووسكه‌كه‌

برووسكەی سەرەخۆشیی سەرۆك بارزانی بەبۆنەی كۆچی دوایی مریه‌م خانمی قازی 

بەناوی خودای مەزن و دلۆڤان

بۆ بنەماڵەی بەڕێزی پێشه‌وا قازی محه‌مه‌د

بەداخەوە هەواڵی كۆچی دوایی مریه‌م خانمی قازی، كچی پێشه‌وای نه‌مر و هاوسه‌ری به‌ڕێز سه‌رداربه‌گی جاف  - مان پێ گەییشت.

لەم بۆنە خەمناکەدا پرسە و سەرەخۆشیی خۆم بە ئێوەی بەڕێز و خانەوادە تێکۆشەرەکەتان و سەرجەم خزم و كەسوكار و خەڵکی نیشتیمانپەروەری شاری مەهاباد ڕادەگەیەنم و بەشداری خەمتانم.

لە خودای گەورە داواكارم گیانی مریه‌م خانم بخاتە بەر ڕه‌حمه‌تی خۆی و دڵنەوایی و ئارامییش بە هه‌موو لایەك ببەخشێت.

انا لله وانا الیه راجعون 

مه‌سعود بارزانی

16ـی 3ـی 2020