شەش گولـلە ھاوەن ئاراستەی خورماتوو كران
زیانی گیانی ھەیە
K24 - كەركووك
كەمێك پێش ئێستا شەش گولـلە ھاوەن ئاراستەی قەزای خورماتوو كران و چەند كەسێك برینداربوون.
بەگوێرەی زانیاری پەیامنێران شەش گولـلە ھاوەن ئاراستەی ناوەندی قەزای خورماتوو كران و سێ كەس برینداربوون.
پەیامنێرمان راشیگەیاند، تائێستا ھیچ گرووپ و لایەنێك بە ئەنجامدانی ئەو ھێرشە تۆمەتبار نەكراوە.
لە دوای 16ی ئۆكتۆبەری 2017، لە خورماتوو وەك ناوچە كوردستانییەكانی دیكەی دەرەوەی ئیدارەی ھەرێمی كوردستان بەھۆی كشانەوەی پێشمەرگە لەو ناوچانە بۆشایی ئەمنی دروستبووە، چەكدارانی داعش لەو ناوچانە چەندین كردەوەی تیرۆریستیان ئەنجامداوە.