ئیمارات پیرۆزبایی نەورۆز لە گەلی كوردستان دەكات
جێگای خۆشحاڵیمانە
K24 - هەولێر:
لە بەیاننامەیەكدا ئەحمەد زاهری، كونسوڵی گشتی وڵاتی ئیماراتی عەرەبی پیرۆزبایی جەژنی نەورۆز لە سەركردایەتی و خەڵكی هەرێمی كوردستان كرد و هیوای خێر و خۆشی و دەستكەوتی زیاترى بۆ هەرێمی كوردستان خواست.
دەقی پیرۆزبایی كونسوڵی ئیمارات بەبۆنەی جەژنی نەورۆز:
جێگای خۆشحاڵیمانە كە بە ناوی دەوڵەتی میرنشینه یهكگرتووهكانی عەرەب (ئیمارات) ئەوپەڕی پیرۆزبایی بەبۆنەی جەژنی نەورۆز و سەری ساڵی نوێی كوردییەوە لە هەرێمی كوردستان بە سەركردایەتی و گەلەكەیەوە بكەین، لە خودای گەورە دەپاڕێینەوە، ئەو جەژنە خۆشەویستە لای كورد بە خێر و بەرەكەت بگەڕێتەوە و درێژە بە خۆشی و شادی و دەستكەوتی زياتر بۆ ئێوە بدات.
خودا هەرێمی كوردستان بپارێزێت.
H.B