ژمارەی تووشبووانی کۆرۆنا له ئێران 20 هەزار کەسی تێپەڕاند
له شەو و رۆژی رابردوو زیاتر له 100 کەس گیانیان لەدەستداوه
.jpg)
K24 – هەولێر
سەرۆکی ناوەندی پەیوەندییە گشتییەکان و راگەیاندنی وەزارەتی تەندروستیی ئێران دوایین ئاماری تووشبوون و گیانلەدەستدانی لەم وڵاته راگەیاند.
کیانووش جەهانپوور ئەمڕۆ ئاشکرایکرد: "بەپێی دوایین پشکنینەکان، له ماوەی 24 کاتژمێری رابردوو، 966 تووشبووی نوێ تۆمارکراوه و ژمارەکەی گەیشتووەته 20610 کەس.
جەهانپوور گوتی: هەر لەم ماوەیەدا 123 کەس گیانیان لەدەستداوه و ژمارەی مردووان 1556 کەسی تۆمارکرد.
سەرۆکی ناوەندی پەیوەندییە گشتییەکان و راگەیاندنی وەزارەتی تەندروستیی ئێران روونیشیکردەوه: تاکو ئێستا 7635 تووشبوو چارەسەرکراون و نەخۆشخانەیان جێهێشتووه.
ئێران له رووی ژمارەی تووشبووان و گیانلەدەستدان بەهۆی ڤایرۆسی کۆرۆنا دوای چین و ئیتاڵیا، ریزبەندی سێیەم لەسەر ئاستی جیهان هەیه.
سەرچاوه: IRNA
K.S