توركیا هێزی زیاتری ره‌وانه‌ی ئیدلب كرد
دوای كوژرانی دوو سه‌رباز
K24 – هه‌ولێر:
سوپای توركیا هێزی زیاتری ره‌وانه‌ی سنووری پارێزگای ئیدلب له باكووری خۆرئاوای سووریا كرد.
ناردنی ئه‌و هێزه دوای ئه‌وه دێت، دوو سه‌ربازی سوپای توركیا له‌سه‌ر رێگه‌ی نێوده‌وڵه‌تی "ئێم فۆڕ" له بۆسه‌یه‌كی گرووپه میلیشیاییه‌كاندا كوژران.
چالاكانی تۆڕه كۆمه‌ڵایه‌تییه‌كان بڵاویان كرده‌وه، (40) ئۆتۆمبێلی بارهه‌ڵگر زرێپۆش و تانك و تۆپیان گواستووه‌ته‌وه و له ده‌روازه‌ی سنووری "كفرلوسین"ی نزیك ئیدلب گه‌یشتوونه‌ته خاكی سووریا.
پێنجشه‌ممه‌ی رابردوو، وه‌زاره‌تی به‌رگری توركیا رایگه‌یاند، له‌سه‌ر رێگه‌ی "ئێم فۆڕ"ی نێوده‌وڵه‌تی دوو سه‌ربازی توركیا له ئاكامی په‌لاماری گرووپێكی چه‌كدار كوژراوون.