9 كەسی تووشبوو بە كۆرۆنا لە سلێمانی چاكبوونەوە
رەوانەی ماڵەوە دەكرێنەوە
K24 - سلێمانی
بەڕێوەبەری گشتی تەندروستی سلێمانی ئاشكرای كرد، 9 كەسی تووشبوو بە كۆرۆنا لە سلێمانی چاكبوونەوە و رەوانەی ماڵەوە دەكرێنەوە.
د. سەباح ھەورامی، بەڕێوەبەری گشتی تەندروستی سلێمانی رایگەیاند: " 9 هاووڵاتی توشبووی ڤایرۆسی کۆرۆنا لە شاری سلێمانی چاکبوونەوە و دەگەڕێنەوە ماڵەکانی خۆیان".
لە دوایین راگەیەندراوی وەزارەتی تەندروستی ئاماژە بەوەكراوە، كە پێشتر 13 حاڵەتی دیكەی چاكبوونەوە لە ھەرێمی كوردستان تۆمار كراوە.
تائێستا کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان 76 تووشبووە، لەنێویاندا كەسێك مردووە.