فڕۆكە جەنگییەكانی توركیا دەوروبەری زینی وەرتێ بۆردومان دەكەن
چیای دڕەبی بۆردومان كراوە
K24 - رواندز
بەرەبەیانی ئەمڕۆ فڕۆكە جەنگییەكانی توركیا بنكە و بارەگاكانی پەكەكەیان لە دەوروبەری زینی وەرتێ بۆردومان كرد.
كوێستان ئەحمەد، قایمقامی رواندز بە كوردستان24ی راگەیاند: "كاتژمێر 4:30 خولەكی بەرەبەیانی ئەمڕۆ فڕۆكە جەنگییەكانی توركیا چیای دڕەبیان بۆردومان كرد".
گوتیشی: "ئەو چیایە دەكەوێتە نێوان وەرتێ و زارگەڵی و دوورە لە ئاوەدانییەوە".
لە 15ی ئەم مانگەوە توركیا دووجاری دیكە بنكە و بارەگاكانی پەكەكەی لەو سنوورە بۆردومان كردووە.