بکوژی کچە 20 ساڵەکەی سلێمانی دەستگیر کرا

K24 – سلێمانی:

ھێزەکانی پۆلیسی پارێزگای سلێمانی بکوژانی کچە 20 ساڵەکەی گەڕەکی چوارچرای شاری سلێمانیان دەستگیرکرد.

بەگوێرەی راگەیەندراوێکی پۆلیسی سلێمانی، پاش ئەوەی شەوی (٢٠٢٠/٤/٢٦) کچێک لەماڵێکدا لەگەڕەکی چوارچرا بەفیشەک کوژرا کە ماڵی بکوژەکەیە، توانرا لەماوەیەکی کەمدا و کەمتر لە 24 کاتژمێر تۆمەتباران و ئەنجامدەرانی رووداوەکە دەستگیر بکرێن.

ئاماژەی بەوەشکردووە، لەئێستادا ھەریەک لەتۆمەتباران (ن، أ، ح) لەدایکبوی 1993 و (م، أ، م) لەدایکبوی 1997 و (ک، أ، م) لەدایکبوی 1994 بەبڕیاری بەڕێز دادوەر و بەپێی ماددەی 405 لەیاسای سزادانی عێراقی ڕاگیراون.

ھەروەھا دەستیشگیراوە بەسەر ئەو دەمانچەیەدا کە بەتۆمەتباران بووەو تاوانەکەی پێ ئەنجامدراوە.