دانیشتووانی هەولێر داوا دەکەن دەنگ بە پارێزەرانی خاک و نیشتمان بدرێت
ئەمڕۆ یەکشەممە 20ی تشرینی یەکەمی 2024، دەنگدانی گشتیی هەڵبژاردنی پەرلەمانی کوردستان هاوکاتە لەگەڵ حەوتەمین ساڵیادی داستانی پردێ، کە شکست بە هێرشی داگیرکردنی هەرێمی کوردستان هێنرا.
بە بۆنەی هاوڕێککەوتی داستانی پردێ و بەڕێوەچوونی دەنگدانی گشتیی هەڵبژاردنی خولی شەشەمی پەرلەمانی کوردستان، دەنگدەرانی هەولێر لە چین و توێرە جیاوازەکان، داوا دەکەن "ئەوانەی مافی دەنگدانیان هەیە بچنە سەر سندوقەکانی دەنگدان و دەنگ بە پارێزەرانی خاک و نیشتمان و خوێنی شەهیدانی داستانی پردێ بدەن."