لە دهۆک و زاخۆ ڕێژەی دەنگدان %60ی تێپەڕاند

بە گوێرەی ئەو ئامار و زانیارییانەی دەستی پەیامنێری کوردستان24 کەوتووە، لە سنووری پارێزگای دهۆک و ئیدارەی سەربەخۆی زاخۆ بە شێوەیەکی گشتیی ڕێژەی بەشداری لە دەنگدان گەیشتووەتە سەرووی %65.

هەر بە گوێرەی ئامار و زانیارییەکان تاوەکوو کاتژمێر 4:30ی ئێوارەی ئەمڕۆ یەکشەممە بەشداری هاووڵاتییان لە دەنگدانی گشتیی لە سەرجەم بنکەکانی دەنگدان لە سەنتەری دهۆک %67,15 بووە.

ئیدارەی سەربەخۆی زاخۆ %63 .

سێمێل 80%

ئاکرێ و بەردەڕەش %64,76

ئامێدی %72,86

شێخان  %69 

هەروەها بنکەکانی دەنگدان جمەیان دێت لەو دەنگدەرانەی هێشتا ماون دەنگ بدەن، چونکە بە بڕیاری کۆمیسیۆنی باڵای سەربەخۆی هەڵبژاردنەکان کاتژمێر شەشی ئێوارە ڕاستەوخۆ ئامێرەکان دەنگدان ڕا دەوەستن و کۆتایی بە پرۆسەکە دەهێنن، لە دوای ڕاوەستان، سەرجەم ئامێرەکان ڕاستەخۆ ڕاپۆرتی ئەلیکترۆنی دەنگدانی گشتیی چاپ دەکەن و دواتر دەست دەکرێت بە هەڵاوێردکردن و ژماردنی دەستی فۆڕمەکانی دەنگدان.