ناتانیاهۆ نهێنییەک ئاشکرا دەکات
سەرۆک وەزیرانی ئیسرائیل بۆ یەکەمجار ئاشکرای دەکات کە، خۆی گلۆپی سەوزی پێ کردووە بۆ هێرشکردنە سەر ئامێرە بێتەلەکانی دەست چەکدارانی حزبوڵڵای لوبنانی.
یەکشەممە 10ـی تشرینی دووەمی 2024، بنیامین ناتانیاهۆ، سەرۆک وەزیرانی ئیسرائیل بۆ یەکەمجار ئاشکرای کرد، گلۆپی سەوزی پێ کردووە بۆ هێرشکردنە سەر ئامێرە بێتەلەکانی دەست چەکدارانی حزبوڵڵای لوبنانی لە سێپتێمبەری ڕابردوو، ئەو زانیارییانەش، عومێر دۆستری قسەکەر بەناوی ناتانیاهۆ، درکاندی.
ئەو قسەکەرە ڕایگەیاند: ناتانیاهۆ لەچوارچێوەی قسەکانی کۆبوونەوەی هەفتانەی ئەنجوومەنی وەزیران ئاشکرای کردووە کە ڕەزامەندیی داوە لەسەر ئەو ئۆپەراسیۆنە، لەگەڵ ئەوەی پێشتر پشتڕاستی نەکردووەتەوە کە پشتیوانیی ئەو هێرشەی کردبێت بۆ سەر ئامێرەکانی بێتەلی دەستی چەکدارانی حزبوڵڵا.