تایلەند؛ دەیان مەیموونی "شەڕانگێز" هەڵدەکوتنە سەر بنکەیەکی پۆلیس
پۆلیسی تایله‌ند ئاماژه به‌وه ده‌كات، دوو سه‌د مه‌یموون له دارستانێك هه‌ڵاتوون و چوونه‌ته ناو شارۆچكه‌یه‌ك؛ هاوكات دانیشتووانی شارۆچكه‌كه ماوه‌یه‌كی زۆره ترسیان له زیادبوونی مه‌یموونی "شه‌ڕانگێز" لێ نیشتووه.
پۆلیسی تایله‌ند ڕایگه‌یاندووه، دوو سه‌د مه‌یموون له دارستانێك هه‌ڵاتوون و چوونه‌ته ناو شارۆچكه‌ی لۆبۆری كه دانیشتووانه‌كه‌ی ماوه‌یه‌كی زۆره ترسیان له زیادبوونی مه‌یموونی "شه‌ڕانگێز" لێ نیشتووه.
پۆلیسی تایله‌ند هێمای بۆ ئه‌وه كردووه، ده‌سه‌ڵاتدارانی خۆجێیی له شارۆچكه‌ی لۆبۆری ماوه‌یه‌كه په‌رژینێكیان له ته‌ل دروست كردووه بۆ ئه‌وه‌ی دانیشتووانی ئه‌و شارۆچكه‌یه له مه‌یموونی شه‌ڕانگێز بپارێزن.
پۆلیسی تایله‌ند ڕوونی كردووه‌ته‌وه، هێرشی ئه‌و مه‌یموونانه له سه‌ره‌تادا بۆ سه‌ر بنكه‌ی پۆلیسی شارۆچكه‌كه بووه، به‌ڵام سه‌رجه‌م ده‌رگه و په‌نجه‌ره‌كانیان داخستووه بۆ ئه‌وه‌ی ئه‌و مه‌یموونانه نه‌چنه ناو كافتریاكه‌ی، به‌ڵام ترسیان له‌وه‌ش هه‌یه زیان به كه‌لوپه‌ل و به‌ڵگه‌كانی پۆلیس بگه‌یه‌نن. گوتووشیه‌تی: ده‌یان مه‌یموون به ناو كۆڵان و شه‌قامه‌كاندا ده‌سووڕێنه‌وه و ترسیان بۆ خه‌ڵك دروست كردووه.
