مەزڵوم عەبدی: لە ساتێکی مێژووییدا دەژین
یەکشەممە، 08-12-2024، مەزڵوم عەبدی، فەرماندەی گشتیی هێزەکانی سووریای دیموکرات (هەسەدە) لە پۆستێكی تۆڕی کۆمەڵایەتیی ئێکس لەبارەی کەوتنی ڕژێمی ئەسەد، ڕایگەیاند: "ئێمە لە سووریا، لە ساتێکی مێژووییدا دەژین بەوپێیەی ڕووخانی ڕژێمی سەرکوتکار لە دیمەشق دەبینین."
مەزڵوم عەبدی پێی وایە "ئەم گۆڕانە دەرفەتێکە بۆ بنیاتنانی سووریایەکی نوێ لەسەر بنەمای دیموکراسی و دادپەروەری کە مافەکانی هەموو سوورییەکان زامن بکات."
نعيش في سوريا لحظات تاريخية ونحن نشهد سقوط النظام الاستبدادي في دمشق.
— Mazloum Abdî مظلوم عبدي (@MazloumAbdi) December 8, 2024
هذا التغيير فرصة لبناء سوريا جديدة قائمة على الديمقراطية والعدالة تضمن حقوق جميع السوريين.
چوارشەممە، 27-11-2024، گرووپە چەکدارەکانی ئۆپۆزسیۆنی سووریا بە سەرکردایەتیی ئەحمەد جۆلانی هێرشی بەفراوانیان بۆ کۆنترۆڵکردنی ناوچەکانی ژێر دەسەڵاتی ڕژێمی بەشار ئەسەد دەست پێ کرد و دوای کۆنترۆڵکردنی حەلەب، حەما، دەرعا، سوەیدا و قونەیترە؛ بەرەبەیانیی ئەمڕۆ یەکشەممە، 08-12-2024، چوونە نێو حومس و دیمەشق و کۆتاییان بە دەسەڵاتی 24 ساڵەی ئەسەد هێنا.