چەند توێژینەوەیەک: ساڵی 2025 عێراق ڕووبەڕووی چەندان ئاستەنگ دەبێتەوە
بەپێی چەند ناوەندێکی توێژینەوە و بەدواداچوون، پێشبینی دەکرێت عێراق لە ساڵی 2025دا، ڕووبەرووی چەند ئاستەنگێک ببێتەوە.
بە پێی ئاماژە و ڕاپۆرتی جیاجیای ناوەندەکانی توێژینەوە و بەدواداچوون لەسەر عێراق، وەک تێڕوانینێکی گشتیی بانکی نێودەوڵەتیی نەتەوە یەکگرتووەکان بۆ پەرەپێدان و ڕاپۆرتی چاتام هاوس بۆ ئاسۆی عێراقی 2025، چەند قەیرانێک بەرۆکی عیراق بەرنادەن، لەوانە پرسی ئاسایش و ئارامیی و هەڕەشەکانی تیرۆر و قەیرانی بێکاریی و هەڕەشە هەرێمییەکان و بەردەوامیی کێشەکانی لەگەڵ هەرێمی کوردستان سەبارەت بە پرسە یاسایی و دەستورییەکان.
بەشێک لەو ئاستەنگانەی ڕووبەڕووی عێراق دەبنەوە:
* بەردەوامیی نا ئارامیی و هەڕەشەکان
- هەڕەشەکانی داعش و میلیشیاکان.
- کێشەکانی سنوور و هەڕەشەی مامەڵەی قاچاغ.
- ئاستەنگی تێکەڵکردنەوەی میلیشیاکان.
* پرسە سیاسییە هەڵپەسێردراوەکان
- پرسی ناکۆکیی یاسایی و دەستووری لەگەڵ هەرێمی کوردستان و پارێزگەکان.
- پتەوکردنی دامەزراوەکان بۆ بەرەنگاربوونەوەی گەندەڵی.
- هەڵبژاردنی گشتی و ناکۆکیی لە ئەگەری هەموارکردنەوەی یاساکانی هەڵبژاردن.
* بەردەوامیی قەیرانی ئابووری
- بەردەوامیی هەڵبەز و دابەزی نرخی نەوت.
- ترسی وەبەرهێنانی بیانی بەهۆی لاوازیی ئاساییش.
- بەردەوامیی فشار و تێچووی ئاوەدانکردنەوە و ژێرخانی دوای جەنگ.
* سستیی سیاسەتی دەرەوە و پەیوەندییەکان
- کێشەی ستراتیژی لەگەڵ سووریای دوای ئەسەد.
- فشاری نێودەوڵەتی بۆ کەمکردنەوەی هەژموونی ئێران.
- بەردەوامیی ساردوسڕیی پەیوەندی لەگەڵ وڵاتە عەرەبییەکان.
* لاوازیی ئاساییشی کۆمەڵایەتی
- بەردەوامیی ناڕەزایی پێکهاتەکان لە هەموارە یاساییەکان.
- مەترسی تێپەڕاندنی یاسای ناکۆک لەگەڵ مافی ئافرەتان.
- بەردەوامیی خراپیی دۆخی خاوەن پێداویستانی تایبەت.
* گۆڕانی کەشوهەوا
- قەیرانی ئاو و بە بیابانبوون.
- کەمبوونی ئاوی هەرێمیی بە رێژەی 50%.
- کۆچی بەردەوامی دانیشتوانی بیابان و دێهاتەکان.