کەشناسی: سبەینێ شەپۆلێکی بارانبارین هەرێمی کوردستان دەگرێتەوە

بەشی پێشبینی لە بەڕێوەبەرایەتیی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندن، ڕایگەیاند، سبەینێ شەپۆلێکی بارانبارین هەرێمی کوردستان دەگرێتەوە و لە ناوچە شاخاوییەکانیش بەفر دەبارێت.
یەکشەممە 19ـی کانوونی دووەمی 2025، بەشی پێشبینی لە بەڕێوەبەرایەتیی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندنی حکوومەتی هەرێمی کوردستان، پێشبینی کەشوهەوای سبەینێی بڵاوکردەوە و ڕایگەیاند، سبەینێ پلەکانی گەرما بەراورد بە تۆمارەکانی ئەمڕۆ (8-5) پلەی سیلیزی دادەبەزن و هەرێمەکە دەکەوێتە ژێر کەشێکی ساردی ناسەقامگیر.
بە پێی ڕاگەیەندراوەکە، سبەینێ شەپۆلێکی بارانبارین هەرێمی کوردستان دەگرێتەوە و لە ناوچە شاخاوییەکانیش بەفر دەبارێت.
بەرزترین پلەکانی گەرمای پێشبینیکراو بە پلەی سیلیزی:
هەولێر: 11
سلێمانی: 8
کەرکووک: 13
زاخۆ: 6
هەڵەبجە: 6
حاجی ئۆمەران: 0
سۆران: 5
گەرمیان : 14