محەمەد کاماچ: سەرۆک بارزانی لە دڵی تەواوی کوردانی جیهاندایە
محەمەد کاماچ، پەرلەمانتاری دەم پارتی لە دیاربەکر بە کوردستان24ـی راگەیاند، سەرۆک بارزانی لە دڵی تەواوی کوردانی جیهاندا پێگەیەکی تایبەتی هەیە و فاکتەرێکی سەرەکییە لە چارەسەرکردنی کیشەی کورد لە تورکیا.
دووشەممە 10ـی شوباتی 2025، محەمەد کاماچ، پەرلەمانتاری دەم پارتی لە دیاربەکر بە کوردستان24ـی راگەیاند: سەردانەکەی شاندی ئیمڕاڵی بۆ راوێژکردن و زانیاری پێدانە بە سەرۆک بارزانی و ڕاو بۆچوونەکانیشی وەردەگیرێن لەپێناو داڕشتنی نەخشەرێگەی ئاییندە بۆ ئەو پرۆسەیە.
محەمەد کاماچ دەڵێت: کوردانی باکووری کوردستان باوەڕی تەواویان بە سەرۆک بارزانی هەیە، چونکە نوێنەری گەورەی گەلی کوردستانە، دەشڵێت: تێڕوانین و پێشنیازەکانی سەرۆک بارزانی لە ڕێککەوتنی ئاشتی زۆر گرنگە، بۆیە شاندی دەم پارتی دەچنە هەولێر و ڕای سەرۆک بارزانی لەو بارەوە وەردەگرن، ئەو پەیامەی سەرۆک بارزانیش دەگەیەننە عەبدولڵا ئۆجەلان لە ئیمراڵی.