سەرۆک بارزانی و سەرۆکی دەزگەی مەدا دۆخی سیاسیی عێراق و ناوچەکە تاوتوێ دەکەن
سەرۆک بارزانی و سەرۆکی دەزگەی مەدا، جەختیان لە بەردەوامیی هەوڵەکان لەپێناو دەستەبەرکردنی هەماهەنگیی نێوان لایەنە سیاسییەکانی عێراق و زامنکردنی سەقامگیری و پێکەوەژیان کردەوە.
یەکشەممە 23ـی شوباتی 2025، لە سەڵاحەددین سەرۆک مەسعود بارزانی، پێشوازیی لە فەخری کەریم، سەرۆکی دەزگەی مەدا بۆ ڕاگەیاندن و ڕۆشنبیری و سەرۆکی ئەنجوومەنی عێراقی بۆ ئاشتی و هاوکاریی کرد.
بارەگای بارزانی بڵاوی کردەوە، لە کۆبوونەوەکەدا بیروڕا لەبارەی دوایین پەرەسەندنە سیاسییەکانی عێراق و ناوچەکە ئاڵوگۆڕ کرا. هەروەها ڕێگەکان بۆ گەیشتن بە چارەسەریی کێشە سیاسییەکانی عێراق باسی لێوە کرا.
هەردوولایان جەختان لە بەردەوامیی هەوڵەکان لە پێناو دەستەبەرکردنی هەماهەنگیی نێوان لایەنە سیاسییەکانی عێراق و زامنکردنی سەقامگیری و پێکەوەژیان کردەوە.