کەشناسی: ئەگەری باران لە سلێمانی و هەڵەبجە زیاترە

کەشناسی هەرێمی کوردستان پێشبینییەکانی بۆ 48 کاتژمێری داهاتوو بڵاوکردەوە و ئاماژەیداوە، ئەگەری باران لە سنووری هەردوو پارێزگای سلێمانی هەڵەبجە زیاترە بەراورد بە هەولێر و دهۆک.

بە گوێرەی پێشبینییەکان، تاوەکوو ئێوارەی ئەمڕۆ چوارشەممە 5ی ئاداری2025 ، بەهۆی کاریگەرى نزمە پاڵەپەستۆیەکی دەریای سوور ئاسمان بۆ هەورەی تەواو دەگۆڕێت.

هەروەها لە شەودا کاریگەرییەکان بۆ نمەباران دەگۆڕێت، بە تایبەت لە ناوچەکانى باشوور، ئیدارەى گەرمیان، هەڵەبجە، سەنتەرى پارێزگاى سلێمانى و ناوچەکانى ڕۆژهەڵاتى شارەکە، بەڵام لە سنووری هەردوو پارێزگای دهۆک و هەولێر پێشبینى باران زۆر لاوازە.

هەر بە گوێرەی پێشبینییەکان، سبەىنێ پێنجشەممە 6ی ئاداری2025 ، ئاسمان نیمچە هەور بۆ پەڵەهەور دەگۆڕێت و پلەکانی گەرما نزیکەی دوو پلە بەرزدەبێتەوە.

هاوکات کەشناسی بەرزترین پلەکانی گەرمای پێشبینیکراو بەم شێوەیە دیاری کردووە:

هەولێر : 21 پلەى سیلیزى

سلێمانی :19 پلەى سیلیزى

دهۆک : 20 پلەى سیلیزى

کەرکوک :23 پلەى سیلیزى

زاخۆ :21پلەى سیلیزى

هەڵەبجە : 16 پلەى سیلیزى

حاجی ئۆمەران :9 پلەى سیلیزى

سۆران :18 پلەى سیلیزى

گەرمیان : 23 پلەى سیلیزى

بەشى پێشبینى 5- 03 - 2025