سەرۆک بارزانی: کیمیابارانی دۆڵی خۆشناوەتی هێمای ئیرادە و خۆڕاگریی گەلەکەمانە
سەرۆک بارزانی لە 38ـەمین ساڵیادی کیمیابارانی بالیسان و شێخ وەسانان و دۆڵی خۆشناوەتی لە تۆڕی کۆمەڵایەتیی ئێکس پەیامێکی بڵاوکردەوە و دەڵێت" ئەم ڕووداوە دڵتەزێنە بەڵگەیەکی ترە لە دڕندەیی ناحەزانی کوردستان".
لە سی و هەشتەمین ساڵیادی تاوانی کیمیابارانکردنی بالیسان و شێخ وەسانان و دۆڵی خۆشناوەتی لە لایەن ڕژێمی پێشووی عێراقەوە سڵاو بۆ گیانی پاکی شەهیدانی ئەو تاوانە و سەرجەم شەهیدانی کوردستان. ئەم ڕووداوە دڵتەزێنە بەڵگەیەکی ترە لە دڕندەیی ناحەزانی کوردستان و هێمای ئیرادە و خۆڕاگریی گەلەکەمانە، بەرانبەر زوڵم و داگیرکاری.
لە سی و هەشتەمین ساڵیادی تاوانی کیمیابارانکردنی بالیسان و شێخ وەسانان و دۆڵی خۆشناوەتی لە لایەن ڕژێمی پێشووی عێراقەوە سڵاو بۆ گیانی پاکی شەهیدانی ئەو تاوانە و سەرجەم شەهیدانی کوردستان.
— Masoud Barzani (@masoud_barzani) April 16, 2025
ئەم ڕووداوە دڵتەزێنە بەڵگەیەکی ترە لە دڕندەیی ناحەزانی کوردستان و هێمای ئیرادە و خۆڕاگریی…
ئێوارەی ڕۆژی 16ی نیسانی ساڵی 1987 ڕژێمی عێراق بە چەکی کیمیایی هێرشی کردە سەر بالیسان و گوندەکانی دۆڵی خۆشناوەتی، کە بە یەکەمین هێرشیی کیمیایی ڕژێمی بەعس بۆ سەر کوردستان هەژمار دەکرێت و بەهۆیەوە دەیان کەس لەژن و پیاو و منداڵ شەھید و برینداربوون.
دوای هێرشەکە دەیان هاووڵاتیی لە برینداربووان، کە بۆ چارەسەر گەیەندراوبوونە نەخۆشخانەکانی هەولێر لەلایەن هێزەکانی ڕژێمی بەعسەوە ڕفێندران و ئەنفالکران، تا وەکوو ئێستاش چارەنوسییان نادیارە.
کیمیابارانی دۆڵی خۆشناوەتی ئەم گوندانەی گرتەوە:
- شێخ وەسان
- کانی بەرد
- بێراوە
- شیرە
- خەتێ
- بالیسان
- مەلەکان
- دەڕاش