ڕووسیا بە مووشەک و فڕۆکەی بێفڕۆکەوان کیێڤ خوێناوی دەکات
کاربەدەستانی ئۆکرانیا ڕایانگەیاند، بەهۆی هێرشێکی ڕووسیا بە مووشەک و فڕۆکەی بێفڕۆکەوان، ئاگر لە چەند باڵەخانەیەکی نیشتەجێبوونی دانیشتووان لە کیێڤ کەوتەوە و بەهۆیەوە نۆ کەس کوژران و زیاتر لە 70 کەسیش بریندار بوون.
ڕاشیانگەیاند "لە نێو بریندارەکاندا شەش منداڵ هەن."
تیمەکانی فریاگوزاریی لەناو داروپەردووی باڵەخانەکاندا بە دوای پێکراوان و کوژراوەکاندا دەگەڕێن، هەروەها پۆلیس بەردەوام لە پەیوەندیدایە بۆ دڵنیابوون لە سەلامەتیی دانیشتووان.
دەزگای فریاکەوتن بڵاوی کردەوە، تیمەکانی فریاگوزاری لە 13 شوێنی پایتەخت لەگەڵ پسپۆڕانی شاخەوانی و سەگی پۆلیسی، بەردەوامن لە گەڕان بە دوای ڕزگاربوواندا.
ئاماژەی بەوەش کردووە، لە ژێر داروپەردوودا دەنگی زەنگی مۆبایل دەبیسترێت.