ئاماری نوێی کۆرۆنا لە کوردستان: 532 تووشبوو و 11 گیانلەدەستدان

K24 - هەولێر

وەزارەتی تەندروستی ئاماری 24 کاتژمێری رابردووی تایبەت بە ڤایرۆسی کۆرۆنای لە هەرێمی کوردستان بڵاوکردەوە و ئاشکرای کرد: "532 کەس تووشی کۆرۆنا بوون و 11ـی دیکەش بەهۆیەوە گیانیان لەدەستداوە".

لە راگەیەندراوەکەی وەزارەتی تەندروستیدا هاتووە لەماوەی 24 کاتژمێری رابردوودا چوار هەزار و 208 پشکنینی کۆرۆنا لە کوردستان کراون و بەگشتی ژمارەی ئەوانەی بەو پەتا جیهانییەوە لە کوردستان گیانیان لەدەستداوە، گەیشتووەتە 886 کەس.