13 چەكداری داعش كوژران
ئۆپەراسیۆنێكی دیكە ئەنجام دەدرێت
K24 - ھەولێر
لە ئۆپەراسیۆنێکی سەربازی هێزەکانی عێراق لە باشووری مووسڵ، 13 چەکداری داعش کوژران و 23ی دیکەش دەستگیرکران.
ئیسماعیل مەحلاوی، فەرماندەی ئۆپەراسیۆنەکانی نەینەوا رایگەیاند، هێزەکانیان ئۆپەراسیۆنێکی سەربازییان لە ناوچەکانی هەردوو شارەدێی گەیارە و شۆرە، لە باشووری موسڵ ئەنجامدا و بەهۆیەوە 13 چەکداری داعش کوژران و 23ی دیکەش دەستگیرکران.
مەحلاوی، ئاماژەی بۆ ئەوەشکرد، لە رۆژانی داهاتوودا ئۆپەراسیۆنی هاوشێوەی لە ناوچەکانی دیکەی پارێزگاکە ئەنجام دەدەن.