ترەمپ ئاسانکاری لە رێساکانی گەڕان بەدوای نەوت و گاز دەکات

K24 - ھەولێر

ئیدارەی ترەمپ چەند رێسایەكی خستووەتەڕوو بۆ ئەوەی پرۆسەكانی بەدواداگەڕان و ھەڵكەندنی بیری نەوت و گاز لە دارستانە نیشتمانییەكان ئاسانتر بێت.

بەگوێرەی ئاژانسی رۆیتەرز، دەستەی دارستانەكان لە ئەمەریكا بڵاویكردەوە، چاودێری رووبەڕێك دەكەن، كە دەگاتە 777 مەتر دووجا لە دارستان و ناوچە سەوزاییەكان. ئیداری ترەمپ چەند رێساییەكی خستووەتەڕوو بۆ ئەوەی ئاسانتر پرۆسەكانی ھەڵكەندن و بەدواداگەرانی نەوت و گاز لەو ناوچەیە ئەنجامبدرێت و بەگوێرەی رێساكانی خراوەتەڕوو، كارەكان خێراتر ئەنجامدەدرێت، بەڵام ئەو ھەنگاوە رەخنەی ئەو كۆمەڵەیەی لێكەوتەوە كە بەرگری لە ژینگە دەكەن و پێیانوایە، كە زیان بە ژیانی وشكایی دەگات و ھەروەھا دەرھاوێشتەكانی گازی دووەمی ئۆكسیدی كاربۆن زیاد دەكات.

بڕیارە ئەو دەستپێشخەرییە رۆژی سێشەممە بخرێتەڕوو .

ئەو ھەنگاوە لە چوارچێوەی ھەوڵەكانی ترەمپ دێت بۆ پێشخستنی بەرھەمھێنانی نەوت و گاز لە زەوی و ئاوە گشتییەكاندا.