تووشبووانی کۆرۆنا لە بەریتانیا دۆخیان خراپە
نەخۆشخانەکان فشارێکی زۆریان خراوەتە سەر
K24- هەولێر:
رەوانەکردنی تووشبووانی کۆرۆنا بۆ نەخۆشخانە لە بەریتانیا زۆر زیادی کردووە.
تەنها لە یەک رۆژدا، رێژەی ئەو کەسانەی بەهۆی ڤایرۆسی کۆرۆنا رەوانەی نەخۆشخانە دەکرێن 25% زیادی کردووە.
بەگوێرەی هەواڵێکی سایتی بی بی سی، زۆربەی ئەو کەسانەی رەوانەی نەخۆشخانە دەکرێن لە بەریتانیا، خەڵکی باکووری وڵاتەکەن.
ئەمەش لە کاتێکدایە، رێکارەکان لە بەریتانیا و سکۆتلەندا و باکووری ئیرلەندا تووندتر کراون; چاوەڕێش دەکرێت، بەم نزیکانە رێکاری تووندتر بسەپێنرێت.
پارێزگاری لەندەن ئەوەی دووپاتکردووەتەوە، رێکارەکان تووندتر دەکرێن، بەڵام قەدەغەی هاتووچۆی گشتی راناگەیەندرێت.
پێشبینی ئەوەش دەکات، ژمارەی حاڵەتەکان زۆر زیادتر بکەن و نەخۆشخانەکانیش فشاری زیاتریان بچێتە سەر.