سەرۆک وەزیران مەسرور بارزانی کەنیسەی ئوم ئەلنووری کردەوە

ئەمڕۆ یەکشەممە،12ـی تشرینی یەکەمی 2025، سەرۆک وەزیران، مەسرور بارزانی، کەنیسەی "ئووم ئەلنوور"ـی لە شارۆچکەی عەنکاوە کردەوە.

کەنیسە ئوم ئەلنوور لەسەر ڕووبەری شەش هەزار مەتر و بە گوژمەی بە چوار ملیار و 290 ملیۆن دینار لە عەنکاوە دروستکراوە. شوێنی هەزار کەس لەناو کەنیسەکەدا دەبێتەوە.

بە گوتەی مەترانی کاتدرائی، کردنەوەی ئەو کەنیسەیە زۆر گرنگە بۆ کریستیانەکانی هەرێمی کوردستان و ناوچەکە.