سەرۆکی حکوومەت بەردی بناغەی پارکی زانست دادەنێت
ئەمڕۆ چوارشەممە 15ی تشرینی یەکەمی 2025، مەسرور بارزانی سەرۆکی حکوومەتی هەرێمی کوردستان، بەردی بناغەی پارکی زانست Science Parkـی سەر بە ئینستیتیوتی داهێنان و نوێگەریی KII لە هەولێر دادەنێت.
ئینستیتیوتی داهێنان و نوێگەریی کوردستان زادەی هزری مەسرور بارزانی، سەرۆکی حکوومەتی هەرێمی کوردستانە بۆ هاندانی هاووڵاتییان، بەتایبەتی گەنجانی کوردستان، بۆ ئەوەی دەرفەتێکیان هەبێت تاکوو بەدوای خەونەکانیان بکەون و کار و بازرگانیی تایبەت بە خۆیان دابمەزرێنن و بیر لە داهاتوویەکی باشتر بکەنەوە.
ئینستیتیوتی داهێنان و نوێگەریی کوردستان ئەو شوێنەیە کە توێژینەوە و تازەگەری و کارسازی بە یەک دەگەن و گەشە دەکەن. لەم ئینستیتیوتەدا پاڵپشتی ئەو بیرۆکە و کۆمپانیایانە دەکرێت کە نیازی داهێنانیان هەیە، یان بیر لە بەگەڕخستنی تەکنەلۆجیایەکی نوێ دەکەنەوە بۆ ئەوەی ئابوورییەکی پایەدار و گەشەسەندوو لە کوردستان وەدی بهێنن کە تێیدا جێگەی تەکنەلۆجیا و بازاڕی کاری سەردەمیانە دەبێتەوە.
ئامانجی ئینستیتیوتەکە ئەو کارە تازانەن کە تێیایاندا خزمەتکردن بە مرۆڤ کڕۆکی بیرۆکەکەیە. بڕوامان وایە کە گرنگترینی سێکتەرەکان بۆ کاری نوێگەری لە چەند دەیەی داهاتوودا بریتین لە:
- وزەی نوێبووەوە
- تەندروستیی
- گواستنەوە
- فاشن
- تەکنەلۆجیای زانیاری و تەکنەلۆجیای خۆکار
هەروەها ئینستیتیوتەکە یارمەتی کارساز و داهێنەرە گەنجەکان بۆ داهێنان و نوێگەریی کوردستانە و هانی وەدیهێنانی جیهانێکی پەرەسەندوو دەدات لەلایەنەکانی بەڕێوەبردنی نوێگەریی، پەرەپێدانی بازرگانی و دروستکردنی تۆڕی نوێی پەیوەندی.
پارکی گەورەی زانستی بەڕووبەری نزیکەی 200 هەزار مەتری چوار گۆشە کە دەکەوێتە سەر شەقامی 150 مەترى هەولێر لە نێوان شەقامی کەسنەزان و پیرمام.
لەنێو پارکەکەدا سێ باڵەخانەی گەورە لەشێوەی شاخ هەن، کە هەر یەکەیان سەربەخۆن بەڵام لەشێوەی زنجیرەی شاخ خۆیان دەنوێنن، هاوکات گرد و ڕووبار و سەوزاییەکەی فراوان هەیە کە دیمەنێکی جیاواز و سەرنجڕاکێش بە پارکەکە دەدەن.
پرۆژەکە بەسێ قۆناغ جێبەجێ دەکرێت و بەمشێوەیە دابەشکراوە:
قۆناغی یەکەم: 68,000 دووجا
قۆناغی دووەم: 66,000 دووجا
قۆناغی سێیەم: 63,000 دووجا
باڵەخانەی science park به گشتیی پێکدێت لە تاقیگەی زانستی، شوێنی کارکردن (نووسینگە)، پێشانگە، هۆڵی گەورە بۆ سمینا ر کۆنفرانس، ڕێستۆرانت، هۆڵی وەرزشی، مەلەوانگە، دوکان، شوێنی ڕاهێنانی، پیشەیی، شوققە، پارکینگ و باخچەی دڵڕفێن.
پارکی زانست Science Park، لە وڵاتە هەرە پێشکەوتووەکاندا ئەمشێوە پارکانە وەک ناوچەیەکی تایبەت بۆ پەرەپێدانی پیشەسازی و تەکنەلۆجیای پێشکەوتوو دروستکراون، واتە ئیکۆسیستەمێکی تەواوە و هەموو پێداویستییەکانی نوێکاری و دامەزراندنی تێدایە.
ناوەندی چڕی توێژینەوە لە پارکی زانستیدا (Research Intensive Cluster):
وەسفکردنی سیستمێکی زیندووە بۆ کارلێکاری لایەنە جیاوازەکان داڕێژراوە، کە لە ڕووی فیزیکییەوە نزیکن لە یەکتر و زانیاری و شارەزایی یەکتر تەواو دەکەن، بەجۆرێک کارلێکی نێوانیان هەماهەنگییەکی گەورە بۆ داهێنان دروست دەکات.
بەشێوەیەکی گشتیی ناوەندەکانی توێژینەوە لە پارکی زانستیدا نوێنەرایەتی هاوپەیمانیی سێلایەنە (Trip-Helix) دەکەن، واتە لایەنەکانی جیهانیی بازرگانی، خوێندنی باڵا و بەڕێوەبردنی گشتی، ئەم مۆدێلە نۆ ماوەیەکی دێژە توێژینەوەی لەسەر کراوە و سەلمێندراوە کە مۆدێلێکی زۆر بەهێزە و ئێستا لە هەموو جیهاندا جێبەجێ دەکرێت.
پارکی زانستی دەبێتە دەستپێشخەریی پشتگیریی بازرگانی و گواستنەوەی تەکنەلۆجیا بەمشێوەیە:
- هاندان و پشتگیریی دەستپێکردن و گەشەپێدانی ئەو بزنسانە دەکات کە لەسەر بنەمای داهێنان دامەزراون و گەشەیەکی بەرزیان هەیە.
- ژینگەیەک دابین کە تێیدا بازرگانی گەورەتر و نێودەوڵەتییەکان دەتوانن کارلێکی تایبەت و نزیک لەگەڵ ناوەندێکی دیاریکراوی بەرهەمهێنانی زانین پەرە پێبدەن بۆ بەرژەوەندی هاوبەش.
- پەیوەندی فەرمی و کارپێکەری لەگەڵ ناوەندەکانی بەرهەمهێنانی زانین هەیە، وەک زانکۆکان، پەیمانگە باڵاکان و ڕێکخراوەکانی .
