بایدن: چیدی هاوپەیمانەکانمان رەت ناکەینەوە
"ئەمەریکا گەڕایەوە"
K24-هەولێر:
جۆ بایدن، سەرۆکی هەڵبژێردراوی ئەمەریکا لە دوای دەستپێکردنی گواستنەوەی دەسەڵاتی سەرۆكایەتی لە ترەمپەوە رایگەیاند، ئەمەریکا گەڕایەوە.
بایدن لە مەراسیمێکدا لە ویلایەتی دێلاوێر گووتی، ئەمەریکا گەڕایەوە و ئامادەیە پێشەوایی جیهان بکات.
پێشتر دۆناڵد ترەمپ، وەک بەشێک لە سیاسەتی دەرەوەی، لە بەشێک لە رێککەوتنە نێودەوڵەتییەکان کشایەوە و پەیوەندییەکانی لەگەڵ ئەوروپا و هەندێک وڵاتی هاوپەیمانی ئەمەریکا، بەرەو خراپی برد.
بایدن، ئەنتۆنی بلینکنی وەک وەزیری دەرەوەی ئەمەریکا دەستنیشانکردووە و لەوبارەشەوە دەڵێت، ئەو بیرکردنەوەی کۆنن و نەریتەکانی نەگۆڕ.
لەبارەی پەیوەندییەکانی دەرەوەش دەڵێت، جارێکی دیکە وەک سەرکردەی مێزی گفتوگۆکان دادەنیشن، ئامادەین رووبەڕووی نەیارانمان ببینەوە و هاوپەیمانەکانمان رەت ناکەینەوە، ئامادەین لە پێناو بەهاکانمان بوەستینەوە.
لای خۆیەوە مایک پۆمپێیۆ، وەزیری دەرەوەی ئەمەریکا رایگەیاند، دەستیان بە گواستنەوەی دەسەڵات لە وەزارەتی دەرەوە کردووە.
Reuters