سێنتکۆم: بەردەوامین لە تێکشکاندنی سەکۆی مووشەکی ئێران
فەرماندەیی ناوەندیی هێزەکانی ئەمریکا (سێنتکۆم) رایگەیاند؛ هێزەکانیان بەردەوامن لە ئۆپەراسیۆنەکانیان بۆ لەناوبردنی سەرچاوەی هەڕەشە مووشەکییەکانی رژێمی ئێران و دەڵێت: "زۆر بە وردی ئەوانە لەناو دەبەین و تێکیان دەشکێنین کە هەڕەشەن بۆسەر هێزەکانمان"
ئەمڕۆ پێنجشەممە، 5ـی ئاداری 2026، فەرماندەیی ناوەندیی ئەمریکا گرتەیەکی ڤیدیۆیی بڵاوکردەوە و تێیدا جەختی لەسەر بەردەوامی هەوڵە سەربازییەکانیان کردەوە بۆ لاوازکردنی تواناکانی ئێرانی لە بواری سەکۆی مووشەکە گەڕۆکەکاندا.
لە راگەیەندراوەکەی سێنتکۆمدا هاتووە: "هەوڵەکانمان بۆ لەناوبردنی تواناکانی رژێمی ئێران لە هەڵدانی سەکۆی مووشەکی بەردەوامە. ئێمە ئەو هەڕەشانە دەدۆزینەوە و زۆر بە وردیی تێکیان دەشکێنین."
ئەم هەنگاوەی ئەمریکا لە کاتێکدایە گرژییەکانی ناوچەکە بەردەوامییان هەیە و واشنتن دووپاتی دەکاتەوە، رێگری لە هەر جۆرە هێرش و هەڕەشەیەک دەکەن کە ئاسایشی ناوچەکە و هێزەکانیان بخاتە مەترسییەوە.
The effort to eliminate the Iranian regime's mobile missile launch capabilities continues. We are finding and destroying these threats with lethal precision. pic.twitter.com/AkGRYOjnOz
— U.S. Central Command (@CENTCOM) March 5, 2026