دەست بەسەر ژمارەیەک مووشەک و سەکۆی مووشەکی دا گیرا

لە پارێزگای کەرکووک دەست بەسەر ژمارەیەک مووشەک و سەکۆی مووشەکی دا گیرا.

سۆران کامەران، پەیامنێری کوردستان24 لە کەرکووک رایگەیاند، ئەمڕۆ یەکشەممە، 29ـی ئاداری 2026، پۆلیسی قەزای پردێ و هەواڵگریی سوپای عێراق، لە گەڕەکی یەکی حوزەیران لە پارێزگای کەرکووک دەستیان بەسەر ژمارەیەک مووشەک و سەکۆی مووشەکی دا گرت.

بەگوێرەی زانیارییەکانی پەیامنێرمان، ئەو مووشەکانەی دەستیان بەسەردا گیرا، ئامادەکرابوون بۆ هەڵدان و بەئامانج گرتنی شوێنی مەبەست.