هاوکاریی دارایی هاوپەیمانان دابەش دەکرێت
ئەمڕۆ دووشەممە، 1ـی حوزەیرانی 2026، وەزارەتی پێشمەرگەی حکوومەتی هەرێمی کوردستان راگەیەندراوێکی سەبارەت بە هاوکاریی دارایی هێزەکانی هاوپەیمانان بڵاوکردەوە و کاتی دابەشکردنی دیاری کرد.
بەپێی راگەیەندراوێکی وەزارەتی پێشمەرگە، هاوکاریی دارایی هێزەکانی هاوپەیمانان بۆ مانگی نیسان 4ـی ساڵی 2026، خرایە سەر هەژماری بانکیی وەزارەتی پێشمەرگە.
ئاماژە بەوەش دراوە، بەڕێوەبەرایەتی گشتیی بوودجە و بەرنامەکان (ژمێریاریی سەربازی) لە ئێستادا خەریکی رێکارە دارایی و ژمێریارییە پێویستەکانە.
لە راگەیەندراوەکەدا هاتووە، رۆژی پێنجشەممە، 4ـی حوزەیرانی 2026، بە فەرمی دەست بە دابەشکردنی هاوکارییەکە دەکرێت.