مەسرور بارزانی: دژی هەوڵەکانی دابەشکردنی هەرێمی کوردستان دەوەستینەوە

گوتاری مەسرور بارزانی، سەرۆکی حکوومەتی هەرێمی کوردستان لە رێورەسمی دەستپێکردنی قۆناخی دووەمی پشتێنەی سەوزایی هەولێر. 

بەشێکی قسەکانی سەرۆکوەزیران مەسرور بارزانی: 

- لەم قۆناخەدا زیاتر لە ملیۆنێک و 800 هەزار نەمام دەچێنرێت. 

- ئەوەی لە دەستمان بێت بۆ چاککردنی کەشوهەوا دەیکەین و بەردەوام دەبین. 

- ئەم پڕۆژەیە دەتوانێت لە چەندین رووەوە سوود بە خەڵکی کوردستان بگەیەنێت. 

- چەندان کەس دەتوانن لەم پرۆژەدا کار بکەن و دارەکانیش بەرهەمدارن، بۆیە لە رووی خۆراکیشەوە دەتوانرێت سوودی لێ وەربگیرێت. 

- سوپاسی هێزەکانی پێشمەرگە و خوشک و برا خوبەخشەکان دەکەین کە لەم پڕۆژەدا بەشدارن. 

- بەهۆی مۆلیدە ئەهلییەکانەوە کەشوهەوای هەولێر پیس ببوو. 

- پڕۆژەی "رووناکی" کاریگەرییەکی زۆری لەسەر پاککردنەوەی ئاووهەوای هەولێر و هەموو کوردستان هەبووە. 

- پێشتر بڕینی هەوڵی دارستانەکانی کوردستان دراوە. 

- پەلاماردانی کۆرمۆر تاوانێکە بەرامبەر بە هەموو خەڵکی کوردستان و عێراق و قبووڵ ناکرێت. 

- هیوادارم لیژنەی لێکۆڵینەوە لە کاتێکی زوودا بگەنە ئەنجام و ئەوانەی تاوانیان کردووە و ئەوانەی لە پشتی تاوانەکەن، بگەنە سزای یاسایی خۆیان. 

- پاراستنی قەوارەی هەرێمی کوردستان ئەرکی هەموومانە. 

- رووبەڕووی هەموو هەوڵێک بۆ دابەشکردنی هەرێمی کوردستان دەبینەوە. 

- دڵنیام هەر کوردێک دڵسوز و نیشتمانپەروەر بێت لە دژی دابەشکردنی زیاتری هەرێمی کوردستان دەوەستێتەوە. 

- لە جێبەجێکردنی پڕۆژە خزمەتگوزارییەکان لە هەموو ناوچەکانی هەرێمی کوردستان بەردەوام دەبین. 

- سوپاسی وڵاتی یونان دەکەم کە هاوکارن لەگەڵ ئێمە بۆ جێبەجێکردنی پڕۆژەکە.. 

نوێ دەکرێتەوە..